Alvaresin əvəzinə Qrinvud

“Atletiko”nun hücumçusu Xulian Alvares yay transfer pəncərəsində komandanı tərk edə bilər.

90deqiqe.Az xəbər verir ki, argentinalı futbolçu ilə Avropanın bir çox aparıcı klubları maraqlanır və oyunçunun özü də klubunu dəyişməyə qarşı deyil.

Bildirilir ki, Madrid təmsilçisi artıq Alvaresin mümkün gedişinə hazırlaşır və onun əvəzləyicisini müəyyənləşdirib. Klub “Marsel”in hücumçusu Meyson Qrinvudu transfer etmək niyyətindədir.

Qeyd edək ki, Meyson Qrinvud 2024-cü ildə “Mançester Yunayted”dən “Marsel”ə 26 milyon avro qarşılığında keçib. Onun müqaviləsi 30 iyun 2029-cu ilə qədər qüvvədədir.

Cari mövsümdə 24 yaşlı hücumçu “provanslılar”ın heyətində bütün turnirlər daxil olmaqla 38 oyunda iştirak edib, 25 qol vurub və 8 məhsuldar ötürmə ilə yadda qalıb.