“Real”ın qapıçısı bərpa prosesinə başladı

“Real”ın qapıçısı Tibo Kurtua aldığı zədədən sonra açıqlama verib.  

90deqiqe.Az-ın məlumatına görə, belçikalı futbolçu bu barədə şəxsi sosial şəbəkə hesabında yazıb.

“Artıq bərpa prosesinə başlamışam, tezliklə geri dönərək komandama yenidən kömək etmək istəyirəm”

Mediada yayılan xəbərlərə görə, Kurtuanın sağalması üçün təxminən bir ay yarım vaxt lazımdır.

Əvvəlcə Madrid klubu belçikalı qapıçının zədələndiyi barədə məlumat yaymışdı.

“Real”ın növbəti oyunu bazar günü keçiriləcək.Alvaro Arbeloanın komandası Madrid derbisində "Atletiko Madrid"lə qarşılaşacaq. Komandalar "Santyaqo Bernabeu"da üz-üzə gələcəklər. "Real Madrid" La Liqa turnir cədvəlində "Barselona"dan dörd xal geridə qalaraq ikinci yerdədir.