"Bu oyun komandamız üçün çox önəmlidir"

"Real Madrid"in yarımmüdafiəçisi Federiko Valverde La Liqada "Atletiko Madrid"lə qarşılaşma ilə bağlı fikirlərini bölüşüb.

90deqiqe.Az xəbər verir ki, "Madrid Xtra" uruqvaylı futboloçunun dediklərini belə çatdırıb.

"Atletiko Madrid"lə oyuna böyük həvəslə və uğur qazanmaq istəyi ilə yaxınlaşırıq. Beynəlxalq fasilədən məmnunluq hissi ilə ayrılmaq üçün qalib gəlmək istəyirik. Bu, bizim üçün çox vacib oyundur - komandamızdakı hər kəs qalib gəlməyə qərarlıdır"

"Los Blancos" bazar günü "Mattress Makers"i qəbul edəcək. Derbi Bakı vaxtı ilə saat 00:00-da başlayacaq."Real Madrid" La Liqa turnir cədvəlində 66 xalla ikinci, "Atletiko" isə 57 xalla üçüncü yerdədir.