La Liqa futbolçularının rəyinə görə ən əsəbi məşqçi Simeone seçilib

İspaniyanın La Liqa futbolçuları arasında aparılan sorğuya görə, Madridin “Atletiko” klubunun baş məşqçisi Dieqo Simeone oyun zamanı ən əsəbi davranışı olan məşqçi hesab olunub.

90deqiqe.Az-ın məlumatına görə, sorğuda iştirak edən 30 futbolçudan 43,3%-i Simeoneyə belə qiymət verib.

İkinci yerdə “Xetaфe”nin baş məşqçisi Xose Bordalas (23,3%), üçüncü yerdə isə “Vilyarreal”ın çalışdırıcısı Marselino Toral (13,3%) qərarlaşıb. Həmçinin “Jirona”nın məşqçisi Miçel Sançes (6,6%) və artıq “Real”dan ayrılmış Xabi Alonso (3,3%) da sorğuda qeyd olunub.

Sorğuya qatılan futbolçulardan biri bildirib: “Simeone rəqibləri provokasiya etməyi çox sevir.” Başqa bir futbolçu isə əlavə edib: “Bordalas hər şeyə etiraz edir.”

28 turun yekununa görə “Atletiko” 57 xalla turnir cədvəlinin dördüncü pilləsindədir. Lider “Barselona” isə 28 oyundan sonra 70 xal toplayıb.