“Barselona” “Kamp Nou”dan müvəqqəti ayrılacaq

"Barselona" gələn il bir müddət ev stadionu “Kamp Nou”dan ayrılmaq məcburiyyətində qalacaq.

90deqiqe.Az-ın "Diario Ara"ya istinadən məlumatına görə, bu addım arenada yeni damın quraşdırılması ilə bağlıdır.

Məlumata görə, tikinti işlərinə 2027-ci ilin yayında başlanması planlaşdırılır və təmir işlərinin yekunlaşması təxminən yeddi ay davam edə bilər. Qeyd edək ki, “Barselona” ötən ilin noyabr ayında yenidənqurmadan sonra “Kamp Nou”ya qayıtmışdı.

Hazırda kataloniyalılar İspaniya çempionatında 28 turdan sonra 70 xalla turnir cədvəlində liderdir. Hans-Diter Flikin rəhbərlik etdiyi komanda ikinci sıradakı "Real" üzərində dörd xallıq üstünlüyə malikdir.