“Real Madrid" mənə zəng etməyib, bütün iddialar əsassızdır”

Almaniyalı baş məşqçi Yurgen Klopp "Real Madrid" ilə əlaqələndirən şayiələrə münasibət bildirib.

90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında deyib.

“Yaxşı, gəlin bu barədə danışaq. Bir məlumat nə vaxt həqiqətə çevrilir? Kimsə sadəcə nəsə yazanda, yoxsa doğrudan da ortada konkret nəsə olanda? Mənə Florentino Peres zəng edib deməlidir: ‘Bu, Florentinodur! Yurgen, necəsən?’ Yoxsa süni zəka vasitəsilə ortaya atılan hər hansı boş söz kifayətdir? Bu, məni qıcıqlandırır. Bir az məsuliyyətli olmaq lazımdır. Bunların hamısı cəfəngiyyatdır. "Real Madrid" mənə zəng etməyib. Mən həm də "Atletiko Madrid" klubunu çalışdıraram, özü də eyni vaxtda. Bağışla, ‘Real’, ilk zəng edən siz olmalısınız!”

Qeyd edək ki, alman mütəxəssisin yayda Madrid klubunu çalışdıra biləcəyi ilə bağlı xəbərlər yayılmışdı. Klopp isə bu iddialara ironik reaksiya verib:

Əlavə edək ki, Yurgen Klopp 2015–2024-cü illərdə "Liverpul" klubunun baş məşqçisi olub.