"Barselona"da qalmaq istəyirəm"

“Barselona”nın hücumçusu Markus Reşford gələcəyi ilə bağlı açıqlama verib.

90deqiqe.Az xəbər verir ki, "Sport" futbolçunun dediklərini belə çatdırıb.

“Barselonada qalmaq istəyirəm. Bu mənim hədəfimdir… Amma mənim məqsədim yalnız qalmaq deyil. Əsas hədəf qalib gəlməkdir. “Barselona” böyük və möhtəşəm klubdur, titullar qazanmaq üçün yaradılıb”.

Əvvəlki xəbərlərdə bildirildiyi kimi, “Mançester Yunayted” “Barselona”nın Reşfordun icarəsini bir mövsüm daha uzatma tələbinə rədd cavabı verib.

Cari mövsümü kataloniyalılarla icarə əsasında keçirən futbolçunun müqaviləsi “Mançester Yunayted”ə məxsusdur.

Kataloniyalılar üçün bu mövsümdə Reşford bütün turnirlərdə 39 oyuna çıxıb, 10 qol vurub və 13 məhsuldar ötürmə ilə yadda qalıb.