“Rafinya ilə vəziyyətin öhdəsindən gəlməliyik”

“Barselona”nın baş məşqçisi Hans-Diter Flik Braziliya milli komandasında zədələnmiş cinah oyunçusu Rafinyaya münasibət bildirib.

90deqiqe.Az-ın məlumatına görə, alman çalışdırıcı bu barədə jurnalistlərə açıqlamasında deyib.

“Bununla yaşamağı öyrənmək lazımdır – bu, həm futbolda, həm də həyatda baş verənlərdən biridir. O, çox kədərlənmişdi, biz də. Bizdə kifayət qədər oyunçu var. Görək, onun olmadan necə çıxış edəcəyik. Rafinya geri dönməyib? Oyunçular milli komandaya gedirlər, digərlərinin də istirahət günləri olur. Bu normaldır. Rafinyayla danışdım, çox kədərlənmişdi, ona bir neçə gün Braziliyada ailəsi ilə qalmaq icazəsi verdim. İndi isə o, yaxşı əllərdədir”

Qeyd edək ki, “Barselona” aprelin 4-də səfərdə “Atletiko” ilə La Liqa matçında qarşılaşacaq.