“Qavi komandamızın ruhudur”

İspaniyanın “Barselona” klubunun müdafiəçisi Joau Kanselu komanda yoldaşı Qavi haqqında fikirlərini bölüşüb.

90deqiqe.Az xəbər verir ki, "Barca Universal" futbolçunun dediklərini belə çatdırıb.

“Mənim üçün Qavi komandamızın ruhudur. O, çox həyatsevər insandır, məşqlərdə hamımızı ruhlandırır və nəticədə biz hamımız maksimum səy göstəririk. O, həqiqətən xüsusi bir insandır, böyük ürəyə malikdir. Komandadakı bütün yoldaşlarım üçün onunla işləmək böyük şərəfdir, çünki o, digərlərindən fərqlənir.”

Cari mövsümdə Qavi “Barselona” üçün 4 oyuna çıxıb və 1 məhsuldar ötürmə edib. Yarımmüdafiəçi mövsümün böyük hissəsini isə zədədən dolayı buraxıb.