“Barselona” Cənubi Koreyada yoldaşlıq oyunu təklifi alıb

"Barselona" bu yay Cənubi Koreyada yoldaşlıq görüşü keçirmək təklifi alıb.

90deqiqe.Az-ın "Mundo Deportivo"ya istinadən məlumatına görə, katalon klubu mövsümöncəsi hazırlıq dövründə bir yoxlama oyunu oynamaq təklifi ilə qarşılaşıb. Yoldaşlıq görüşü üçün Cənubi Koreyada Kataloniya təmsilçisi 9–10 milyon avro qazanmaq imkanı əldə edə bilər.

Lakin bunun üçün yalnız bir görüş üçün uzun səfər tələb olunacaq. Hazırda "Barselona" yay təlim-məşq toplanışını Asiya turu əvəzinə İngiltərədə keçirməyi planlaşdırır.

Cari vəziyyətə görə, "Barselona"  İspaniya çempionatının turnir cədvəlində liderdir, 30 turdan sonra 76 xal toplayıb. “Mavi-qranatlılar” ikinci pillədə qərarlaşan "Real"dan 7 xal öndədir.