“Ronaldo təkcə oyunçu deyil, liderdir”

Madrid “Real”ının sabiq futbolçusu Marselo hazırda "Əl Nəsr"də çıxış edən hücumçu Kriştiano Ronaldo ilə bağlı diqqətçəkən açıqlama verib.

90deqiqe.Az xəbər verir ki,portuqaliyalı hücumçu yüksək məhsuldarlığı və peşəkarlığı ilə tanınsa da, braziliyalı futbolçu onun daha az diqqət çəkən xüsusiyyətlərini də vurğulayıb.

Marselonun sözlərinə görə, Ronaldo təkcə meydandakı oyunu ilə deyil, həm də zəka və liderlik keyfiyyətləri ilə seçilirdi:

“Onun nə qədər möhtəşəm oyunçu olduğunu bütün dünya görüb. Amma azarkeşlərin görmədiyi tərəfi onun zəkası və liderlik qabiliyyətidir. Bəzən oyundan əvvəl mənə deyirdi: ‘Marselo, oyunun əvvəlində bir az arxada qal, biz onları həll edəcəyik’. Daha sonra Karvaxalın yanına gedib ona da göstəriş verirdi”, – deyə Marselo bildirib. 

Kriştiano Ronaldo 2009–2018-ci illərdə Madrid “Real”ının şərəfini qoruyub.