“Atletiko” kubok finalından sonra iki vacib futbolçusunu itirdi

Madrid “Atletiko”sunun yarımmüdafiəçisi Ademola Lukman və hücumçu Aleksandr Sorlot İspaniya Kubokunun final görüşündən sonra yüngül narahatlıq hiss ediblər.

90deqiqe.Az-ın klubun mətbuat xidmətinə istinadən məlumatına görə,  tibbi heyət futbolçuların müayinəsini aparıb və zədələnmə riskinin qarşısını almaq üçün bütün ehtiyat tədbirlərinin görülməsi vacib sayılıb. Bu səbəbdən futbolçular bir neçə gün fərdi proqram üzrə məşq edəcək və əsas komanda ilə birlikdə hazırlıq keçməyəcəklər.

Qeyd edək ki, 18 apreldə keçirilən qarşılaşma “Real Sosyedad”ın qələbəsi ilə yekunlaşıb (2:2, penaltilərdə 4:3).

Madrid təmsilçisi hazırda İspaniya çempionatında 31 turdan sonra 57 xalla 4-cü pillədə qərarlaşıb. Komanda 22 apreldə səfərdə “Elçe” ilə qarşılaşacaq.