Lamin Yamal “Laureus” mükafatında ilin ən yaxşı gənc idmançısı seçildi

“Barselona” və İspaniya millisinin cinah hücumçusu Lamin Yamal “Laureus World Sports Awards” mükafatına əsasən dünyanın ən yaxşı gənc idmançısı seçilib.

90deqiqe.Az xəbər verir ki, məlumat mükafatın rəsmi sosial şəbəkə hesabında yayılıb.

Yamal mükafatı aldıqdan sonra sevincini bölüşüb: “Bu mükafatı almaqdan çox məmnunam. Bu, böyük şərəfdir. 90Akademiyaya, ailəmə, evdə qardaşımla olan anamıza, atama, nənəmə, komanda yoldaşlarıma və hər zaman yanımda olan hər kəsə təşəkkür edirəm. Həmçinin Karlosu da təbrik edirəm. Çox xoşbəxtəm və bu mükafatın mənə daha da irəliləmək üçün motivasiya olacağına ümid edirəm. Qarşıda hələ uzun yol var. Hamıya təşəkkür edirəm”.

Qeyd edək ki, ötən il də Yamal bu mükafatın “İlin sıçrayışı” nominasiyasının qalibi olmuşdu.

Cari mövsümdə 17 yaşlı futbolçu “Barselona”nın heyətində bütün turnirlərdə 44 oyuna çıxıb, 23 qol vurub və 16 məhsuldar ötürmə edib.