Levandovski “Barselona”da qala bilər - müqavilənin uzadılması müzakirə olunur

Polşalı hücumçu Robert Levandovski “Barselona”da daha bir mövsüm qala bilər.

90deqiqe.Az-ın “Mundo Deportivo”ya istinadən məlumatına görə, 37 yaşlı futbolçunun agenti Pini Zahavi yaxın zamanda Kataloniya klubunun rəhbərliyi ilə görüş keçirəcək. Tərəflər əməkdaşlığın uzadılması imkanlarını müzakirə edəcəklər.

Levandovskinin “Barselona” ilə hazırkı müqaviləsi 2025/2026 mövsümünün sonunda başa çatır. Daha əvvəl mətbuatda onun “Yuventus”un maraq dairəsində olduğu bildirilirdi.

Cari mövsümdə polşalı hücumçu 40 oyuna çıxıb, 17 qol vurub və 3 məhsuldar ötürmə ilə yadda qalıb.