“Real”a inqilab lazım deyil”

Madrid “Real”ının baş məşqçisi Alvaro Arbeloa klubun böyük dəyişikliklərə ehtiyac duymadığını bildirib.

90deqiqe.Az xəbər verir ki, onun sözlərinə görə, “Real” yenidən titullar uğrunda mübarizəyə qayıtmaq üçün inqilabi dəyişikliklərə ehtiyac duymur:

“Düşünürəm ki, “Real”ın yenidənqurmaya ehtiyacı yoxdur. Bu, çox güclü komandadır. İnqilab lazım deyil. Biz hər komanda kimi inkişaf edə bilərik, amma böyük dəyişikliklərə ehtiyac yoxdur”, – deyə Arbeloa bildirib.

Qeyd edək ki, ötən mövsüm Madrid klubu UEFA Superkuboku və FIFA Qitələrarası Kubokunu qazanıb. Cari mövsümdə isə komanda bütün turnirlərdən kənarlaşıb və İspaniya çempionatında ikinci pillədə qərarlaşıb, lider “Barselona”dan 9 xal geri qalır.