“Çempionlar Liqası arzularım yoxdur”

Dieqo Simeone çərşənbə axşamı 56 yaşını qeyd edib. 

90deqiqe.Az xəbər verir ki, o, mətbuat konfransında Çempionlar Liqasını qazanmaqla bağlı arzusunun olub-olmaması barədə sualı cavablandırıb. Argentinalı mütəxəssis bu barədə danışarkən həyatından razı olduğunu bildirib:

“Bu gün mənim doğum günümdür, bəli. Çempionlar Liqası ilə bağlı arzularım varmı? Xeyr. Həyata görə minnətdaram. Oğullarım və qızlarım var, gözəl həyat yoldaşım var, bütün həyatım boyu yanımda olan dostlarım var. Həyatın verdiyi hər şeydən zövq alıram”.

Qeyd edək ki, çərşənbə günü "Atletiko Madrid" öz meydanında Arsenal klubuna qarşı Çempionlar Liqasının yarımfinal matçına çıxacaq.

Dieqo Simeone məşqçi kimi iki dəfə – 2014 və 2016-cı illərdə "Atletiko Madrid"lə Çempionlar Liqasının finalında məğlub olub.