"Mənə görə, ilin ən yaxşı futbolçuları Griezmann və Varandır"

Atletico Madrid'in baş məşqçisi Diego Simeone Griezmann'ın “qızıl top” mükafatını qazana bilməməsi haqda danışıb.

Corner.az komanda.az-a istinadən xəbər verir ki, Simeone İspaniya mətbuatına açıqlamasında bunları deyib: “Atletiko”da foma geyinirsizsə, belə mükafat almağınız çox çətindir. Bizim qədər güc sərf edən, uğurlar əldə etmək üçün çox çalışan komandalarda oynasaz, yaxşı nailiyyətlər qazansaz da, belə mükafatlar ala bilməyəcəksiz. Qrizmannın yerində olsam, qazandığım nəticələrlə xoşbəxt olaram. O, dünya çempionu oldu, bunu bacarmaq hər futbolçuya nəsib olmur. Luka Modriçi yaxşı mövsümə və qazandığı “qızıl top”a görə təbrik edirəm. Lakin mənə görə, ilin ən yaxşı futbolçuları Qrizmann və Rafael Varandır.

Tibo Kurtua “Real”a getdi və ilin ən yaxşı qapıçısı mükafatını aldı. Kurtua “Atletiko”da olarkən, “Real”lı Keylor Navas bu mükafatı qazanmışdı. Hazırda dünya futbolunda işlərin necə getdiyini və həll olunduğunu görürsüz. Bunu bildikdə, daha rahat başla yaşayırsız”.