“Real” yalnız istedada güvənə bilməz”

İspaniyanın "Real Madrid" klubunun baş məşqçisi Alvaro Arbeloa komandasının hazırkı vəziyyəti ilə bağlı fikirlərini bölüşüb.

90deqiqe.Az xəbər verir ki, mütəxəssis nəticələrin klubun səviyyəsinə uyğun olmadığını bildirib.

“Hazırkı nəticələr “Real” üçün olması gərəkən səviyyədən uzaqdır. İndi artıq sadəcə meydana çıxmaqla heç kimi məğlub etmək mümkün deyil. Komanda oyunumuzu ciddi şəkildə gücləndirməliyik. Yalnız istedada güvənmək və fərdi oyuna üstünlük vermək olmaz. Bizə plan, struktur və rəqibin oyun quruluşunu pozmağı bilmək lazımdır”, – deyə Arbeloa mətbuat konfransında bildirib.

Qeyd edək ki, “Real” hazırda İspaniya çempionatının turnir cədvəlində ikinci pillədə qərarlaşıb və lider "Barselona" klubundan 11 xal geri qalır.

Madrid təmsilçisi növbəti turda səfərdə "Espanyol" ilə qarşılaşacaq.