“Barselona” “Real”la oyundan əvvəl çempionluğu rəsmiləşdirə bilər

İspaniyanın “‘Barselona’ klubu İspaniya çempionatında vaxtından əvvəl çempionluğu təmin edə bilər.

90deqiqe.Az xəbər verir ki, "Real Madrid" klubunun təcrübəli çalışdırıcısı Alvaro Arbeloa oyundan əvvəl çempionluq ehtimalı ilə bağlı fikirlərini bölüşüb:

“‘Barselona’ üçün çempionluq koridoru təşkil etməmək mənim motivasiyam deyil. Mənim məqsədim üç xal qazanmaqdır. Məni motivasiya edən budur”, – deyə o bildirib.

“Mavi-qranatlılar” bu gün "Osasuna" üzərində qələbə qazanarsa və sabah "Real Madrid" komandası "Espanyol" qarşısında xal itirərsə, Kataloniya təmsilçisi riyazi olaraq liderliyi təmin edəcək və izləyicilər üçün əlçatmaz olacaq.

“El Klasiko” qarşılaşması isə növbəti turda, mayın 10-da keçiriləcək.

Hazırda Madrid təmsilçisi çempionatın bitməsinə 5 tur qalmış “Barselona”dan 11 xal geri qalır.