“Betis” “Ovyedo”nu darmadağın etdi

İspaniya La Liqasının 34-cü turunda “Betis” doğma meydanda “Ovyedo”nu qəbul edib.

90deqiqe.Az-ın məlumatına görə, görüşdə meydan sahibləri 3:0 hesablı qələbə qazanıb.

Sevilya təmsilçisi oyunda hesabı ilk hissənin ortalarında açıb. Pablo Fornalsın ötürməsindən sonra Kucho Ernandes topu rəqib qapısından keçirib.

Fasiləyə az qalmış “Betis” ikinci qolu vurub. Bu dəfə Abdə Ezalzuli fərqlənib, qolun ötürməsini isə Antoni verib.

59-cu dəqiqədə qonaqlar daha bir qolla üzləşib. Kucho Ernandes dublunu rəsmiləşdirib. Qarşılaşmanın sonunadək hesab dəyişməyib.

Bu qələbədən sonra “Betis” 53 xalla turnir cədvəlində 5-ci pillədə qərarlaşıb. “Ovyedo” isə 28 xalla əvvəlcədən Segunda Liqasına düşməsini rəsmiləşdirib.