“Real” səfərdə “Espanyol”a qalib gəldi

İspaniya La Liqasının 2025/2026 mövsümünün 34-cü turunda “Espanyol” doğma meydanda Madrid “Real”ı qəbul edib.

90deqiqe.Az xəbər verir ki,  oyun Barselonada yerləşən “Kornelya-El Prat” stadionunda keçirilib. Görüş qonaq komandanın 2:0 hesablı qələbəsi ilə yekunlaşıb.

Madrid klubunun hücumçusu Vinisius Junior 55-ci dəqiqədə hesabı açıb. 66-cı dəqiqədə isə o, ikinci qolunu vuraraq dubl edib.

Bu turdan sonra Kataloniya təmsilçisi 39 xalla turnir cədvəlində 13-cü pillədə qərarlaşıb. “Kral klubu” 77 xalla ikinci yerdədir. Cədvələ 34 oyundan sonra 88 xalla “Barselona” başçılıq edir.

Növbəti turda Madrid “Real”ı 10 mayda “Barselona” ilə “Spotifay Kamp Nou” stadionunda qarşılaşacaq.