“Real”da gərginlik artır - futbolçular arasında insident, məşqçi ilə münasibətlər kəskinləşib

“Real” klubunda daxili vəziyyət gərginləşib.

 90deqiqe.Az xəbər verir ki, komanda daxilində baş verən bir neçə münaqişə ilə bağlı məlumatlar yayılıb.

Belə ki, çərşənbə günü keçirilən məşq zamanı Aurelien Tçuameni ilə Federiko Valverde arasında ciddi insident yaşanıb və tərəflər arasında qarşıdurma baş vermək həddinə çatıb.

“Real” hazırda mövsümün ən çətin mərhələlərindən birini yaşayır. Komanda daxilində parçalanma artıq açıq şəkildə hiss olunur – bəzi futbolçu qruplarının bir-biri ilə ünsiyyət qurmadığı bildirilir.

Eyni zamanda, baş məşqçi Alvaro Arbeloa ilə münasibətlərin də gərgin olduğu qeyd edilir. İddialara görə, artıq bir neçə futbolçu onunla ünsiyyətdən imtina edib.

Qeyd edək ki, Madrid təmsilçisi mayın 10-da səfərdə “Barselona” ilə qarşılaşacaq.