“Real Sosyedad” “Betis”lə heç-heçə etdi

İspaniya La Liqasının 35-ci turu çərçivəsində “Real Sosyedad” “Betis”i qəbul edib.

90deqiqe.Az xəbər verir ki, Sevilya təmsilçisinə hesabı açmaq üçün fasiləyə az qalmış an lazım olub. Sercy Altimira Antoniyə məhsuldar ötürmə verib, braziliyalı futbolçu isə dəqiq zərbə ilə fərqlənib.

İkinci hissənin əvvəlində “Betis” üstünlüyünü artırıb. Bu dəfə Abde Ezzalzuli qol vurub.

80-ci dəqiqədə “Real Sosyedad” Orri Ouskarsşonun qolu ilə fərqi azaldıb. Əlavə olunmuş vaxtda isə Mikel Oyarzabal penalti zərbəsini dəqiq yerinə yetirərək komandasına məğlubiyyətdən qaçmağa kömək edib.

“Betis” 54 xalla turnir cədvəlinin 5-ci pilləsində qərarlaşıb. “Real Sosyedad” isə 44 xalla 8-ci yerə yüksəlib.