“Dembele və Yamalı dünya futbolunun ən yaxşıları hesab edirəm”

“Barselona”nın futbolçusu Qavi keçmiş komanda yoldaşı, hazırda Fransanın PSJ klubunda çıxış edən Usman Dembelenin oyun səviyyəsi barədə fikirlərini bölüşüb.

90deqiqe.Az-ın məlumatına görə, ispan yarımmüdafiəçi Dembeleni yalnız dost deyil, həm də yaxın insan kimi gördüyünü bildirib:

“Usman mənim qardaşımdır, sadəcə dost deyil. Biz daim əlaqə saxlayırıq. Mən onu Lamin Yamal ilə birlikdə dünyanın ən yaxşı futbolçularından biri hesab edirəm”, – deyə Qavi vurğulayıb.

Qeyd edək ki, bu açıqlama “Pari Sen-Jermen” klubunun Çempionlar Liqasında finala yüksəlməsindən sonra verilib. Məhz bu səbəbdən jurnalistlər “Barselona”lı futbolçuya Dembele ilə bağlı sual ünvanlayıblar.

Xatırladaq ki, Usman Dembele hazırda “Qızıl top” mükafatının sahibidir. Ötən ilin səsverməsində isə ikinci yeri Lamin Yamal tutub.