Flik “Barselona” ilə yeni müqavilə imzalayır

“Barselona”nın baş məşqçisi Hans-Diter Flik mətbuat konfransında çıxış edərək müqaviləsini uzadacağını təsdiqləyib.

90deqiqe.Az “Sport” nəşrinə istinadən xəbər verir ki, yeni anlaşmanın 2028-ci ilin ortalarına qədər nəzərdə tutulacağı və əlavə bir mövsüm üçün uzadılma bəndini də əhatə edəcəyi bildirilir.

 Flik yeni müqaviləyə mayın 18-i, bazar ertəsi günü imza atacaq. Alman mütəxəssis həmin gün müqavilənin uzadılması ilə bağlı rəsmi mərasimin keçirilməsinə də razılıq verib.

Qeyd edək ki, Hans-Diter Flik “Barselona”nın sükanı arxasında ikinci mövsümünü başa vurur. Bu müddətdə komanda daxili arenada altı mümkün tituldan beşini qazanıb.

2025/2026 mövsümünün sonuna qədər “Barselona” daha iki oyun keçirəcək — “Betis” və “Valensiya”ya qarşı.