“Rayo Valyekano” “Vilyarreal”ı məğlub etdi

İspaniya La Liqasının 37-ci turunda “Rayo Valyekano” öz meydanında “Vilyarreal”ı qəbul edib.

90deqiqe.Az xəbər verir ki, görüş paytaxt klubunun 2:0 hesablı qələbəsi ilə yekunlaşıb. Hər iki qol ayrı-ayrı hissələrdə vurulub.

Eyni vaxtda keçirilən digər oyunda Madridin “Atletiko” klubu öz meydanında “Jirona”ya 1:0 hesabı ilə qalib gəlib.

Bu nəticələrdən sonra “Vilyarreal” və “Atletiko” 69 xalla turnir cədvəlində üçüncü yeri bölüşürlər.

Son turda hər iki komanda üz-üzə gələcək. Görüş “Vilyarreal”ın meydanında keçiriləcək və üçüncü yerin taleyi məhz həmin oyunda həll olunacaq.

Bununla belə, hər iki komanda artıq əsas hədəfinə çatıb – növbəti mövsümdə İspaniyanı Çempionlar Liqasında təmsil edəcəklər.

“Rayo Valyekano” isə 8-ci pillədə qərarlaşıb və avrokubok zonası ilə mübarizəni davam etdirir.