"Ronaldonun "Real Madrid"dəki nömrəsini götürmək istəmədim"

“Real Madrid”in sabiq futbolçusu Eden Hazard klubdakı 7 nömrəli forma ilə bağlı maraqlı açıqlama verib.

90deqiqe.Az xəbər verir ki, "The Touchline" sabiq futbolçunun dediklərini belə çatdırıb.

“Real Madrid”də əvvəlcə 7 nömrəli formanı götürmək istəmirdim. Luka Modriçin 10 nömrəsini istəyirdim. Düşünürdüm ki, o mənə onu təklif edəcək, amma etmədi (gülür). Mənim fikrimcə, “Real Madrid”ə Ronaldonu əvəzləmək üçün gəlməmişdim. Bunu media deyirdi. Mənim oyun tərzim fərqlidir. Mövsümdə 60–70 qol vuran futbolçu deyiləm. Mən Azar kimi oynamağa gəlmişdim, Ronaldonu əvəz etməyə yox. Amma tarix göstərdi ki, hər şey düşündüyüm kimi alınmadı”

Qeyd edək ki, Eden Hazard  2019-cu ildə “Çelsi”dən “Real Madrid”ə ulduz statusunda transfer olunmuşdu. Lakin zədələr səbəbindən Madrid klubunda gözlənilən performansı göstərə bilməmişdi.