“Real” Mourinyo üçün “Benfika”ya 3 milyon avro ödədi

“Real” klubu baş məşqçi Joze Mourinyonun “Benfika” ilə müqaviləsinin vaxtından əvvəl ləğvi üçün Lissabon təmsilçisinə 3 milyon avro ödəyib.

90deqiqe.Az xəbər verir ki, bu barədə “Sky Sport Italia” məlumat yayıb. Bildirilib ki, bu addım portuqaliyalı mütəxəssisin “kral klubu” ilə müqavilə imzalamasına imkan yaradır.

Daha əvvəl yayılan xəbərlərdə “Real”ın Mourinyo üçün “Benfika”ya 6 milyon avro ödəyəcəyi qeyd olunurdu.

Qeyd edək ki, portuqaliyalı mütəxəssis 2025-ci ilin sentyabrından “Benfika”ya rəhbərlik edir. Onun klubla müqaviləsi 2027-ci ilin yayına qədər nəzərdə tutulub.

Mourinyonun rəhbərliyi altında Lissabon təmsilçisi 45 oyunda 27 qələbə qazanıb, 10 dəfə heç-heçə edib və 8 dəfə məğlub olub.