"Laportanın "Real Madrid" haqqında nə deməsi mənim üçün əhəmiyyətsizdir"

"Real Madrid"in baş məşqçisi Alvaro Arbeloa "Barselona"nın prezidenti Joan Laportanın son açıqlamasına münasibət bildirib. 

90deqiqe.Az xəbər verir ki, təcrübəli çalışdırıcı bu barədə  mətbuat konfransında qeyd edib.

"Laportanın sözlərinə çox əhəmiyyət vermirəm. Düşünürəm ki, dediyimiz hər şeydə həmişə aydın olmuşuq. İllərdir İspaniya futbolunun nüfuzuna xələl gətirən Neqreyra işinin həll olunmasını hələ də gözləyirik"

Qeyd edək ki,  daha əvvəl Laporta "Real Madrid"in Kataloniya klubunu daim tənqid etdiyini və bunu, əsasən ictimaiyyətin diqqətini öz uğursuzluqlarından yayındırmaq üçün etdiyini bildirmişdi.

Əlavə edək ki, La Liqanın son oyunları bu gün saat 23:00-da başlayacaq: "Real Madrid" "Atletik Bilbao" ilə, "Barselona" isə "Valensiya" ilə qarşılaşacaq.