“Oğlum futbol oynamaq istəmir”

“Betis”in yarımmüdafiəçisi İsko kiçik oğlu ilə bağlı maraqlı açıqlama verib.

90deqiqe.Az xəbər verir ki, futbolçu bildirib ki, oğlu onun karyerasındakı çətin anları gördüyü üçün futbolçu olmaq istəmir:

“Kiçik oğlum mənə dedi ki, futbol oynamaq istəmir. O görüb ki, mən qoltuq ağacları ilə gəzdiyim vaxtlar çox əziyyət çəkmişəm… Ona görə də atasını belə görmək istəmir”.

İsko həmçinin “Betis” klubu barədə də fikirlərini bölüşüb:

“Betis” çox böyük klubdur. Bunu mən deyirəm – karyeramda dünyanın ən uğurlu klubu olan “Real Madrid”də də oynamışam. Amma bu klub sənə özünü dəyərli hiss etdirir. O, mənə yenidən futboldan zövq almağı öyrətdi və inanılmaz sevgi bəxş etdi”, – deyə futbolçu bildirib.

Qeyd edək ki, İsko 2023-cü ildə azad agent kimi “Betis”ə keçib. Onun müqaviləsi 2028-ci il iyunun 30-dək nəzərdə tutulub.

2025/26 mövsümündə yarımmüdafiəçi klubun heyətində 9 oyuna çıxıb, 1 qol vurub və 1 məhsuldar ötürmə edib.