“Rayo Valyekano” yeni baş məşqçisini açıqladı

İspaniyanın “Rayo Valyekano” klubunun baş məşqçisi bəlli olub.

90deqiqe.Az xəbər verir ki, La Liqa təmsilçisinin sükanı Beniat San-Xose Hilə tapşırılıb.

təcrübəli mütəxəssis əvvəllər müxtəlif ölkələrdə çalışıb. O, məşqçilik karyerasına “Real Sosyedad”ın gənclər komandasında başlayıb, daha sonra Səudiyyə Ərəbistanı, Çili, Boliviya, BƏƏ, Belçika və Meksikada fəaliyyət göstərib.

San-Xosenin əsas uğurları arasında 2018-ci ildə “Universidad Katolika” ilə Çili çempionluğu, Boliviyanın “Bolivar” klubu ilə bir neçə titul və Libertadores Kubokunda 1/4 finala yüksəliş yer alır.

2025-ci ilin fevralından “Eybar”ı çalışdıran mütəxəssis bu müddətdə komanda ilə 60 oyuna çıxıb.

Qeyd edək ki, “Rayo Valyekano” ötən mövsüm La Liqanı 8-ci pillədə başa vurub və Konfrans Liqasının finalına qədər irəliləyib. Komandanın əvvəlki baş məşqçisi İnyiqo Peres isə şəxsi istəyi ilə vəzifəsindən ayrılıb.