"Borussiya"nın ulduzu "Barselona"ya keçdi

İspaniyanın "Barselona" klubu növbəti transferini rəsmiləşdirib.

90deqiqe.Az xəbər verir ki, Kataloniya təmsilçisi Almaniyanın "Borussiya" (Dortmund) klubunun hücumçusu Kərim Adeyemini heyətinə qatıb.

Klubun yaydığı məlumata görə, almaniyalı futbolçu ilə 2031-ci ilin yayına qədər nəzərdə tutulan uzunmüddətli müqavilə imzalanıb.

Kərim Adeyemi son dörd mövsümdə Dortmund təmsilçisinin formasını geyinib. Hücumçu bu müddətdə Bundesliqa və UEFA Çempionlar Liqasında ümumilikdə 48 oyunda meydana çıxıb.

Qeyd edək ki, Adeyemi ötən mövsüm UEFA Çempionlar Liqasının 1/4 final mərhələsində "Barselona"ya qarşı keçirilən hər iki görüşdə iştirak etmişdi. O, yay fasiləsindən sonra yeni komandası ilə mövsümöncəsi hazırlıq prosesinə qoşulacaq.