İspaniya Superkuboku 2027-ci ildə İstanbulda keçiriləcək

İspaniya Superkubokunun 2027-ci il oyunlarının keçiriləcəyi məkan müəyyənləşib.

90deqiqe.Az xəbər verir ki, bu barədə İspaniya Futbol Federasiyası məlumat yayıb. Turnirin qarşılaşmaları Türkiyənin İstanbul şəhərində təşkil olunacaq.

Fevralın 2-dən 7-dək davam edəcək yarış Atatürk Olimpiya Stadionunda keçiriləcək.

Mövcud formatı əsasən turnirdə “Real Madrid”, “Barselona”, “Real Sosyedad” və “Atletiko Madrid” iştirak edəcəklər.

Yarımfinal mərhələsində qalib gələn komandalar finalda üz-üzə gələcəklər. Superkubokun qalibi İstanbulda keçiriləcək final qarşılaşmasından sonra bəlli olacaq.