“Atletiko” La Liqaya qələbə ilə başladı

İspaniya La Liqasının 2026/27 mövsümünün ilk turunda “Atletiko” və “Malaqa” komandaları üz-üzə gəlib.

90deqiqe.Az-ın məlumatına görə, Madridin “Sivitas Metropolitano” stadionunda keçirilən qarşılaşmada meydan sahibləri 2:0 hesablı qələbə qazanıblar. Matçın baş hakimi Adrian Kordero Veqa olub.

“Atletiko”nun heyətində ilk qol 70-ci dəqiqədə Li Kanq İnin hesabına yazılıb. Qarşılaşmanın 85-ci dəqiqəsində Aleks Baena fərqlənərək yekun hesabı müəyyənləşdirib – 2:0.

Qeyd edək ki, “Atletiko” ötən mövsüm La Liqanı 69 xalla dördüncü pillədə başa vurub. Madrid təmsilçisi 38 matçda 69 xal toplayıb.

“Malaqa” isə 2025/26 mövsümündə İspaniyanın ikinci liqası olan Sequndada 73 xalla dördüncü yeri tutub. Komanda pley-off mərhələsində qalib gələrək La Liqaya vəsiqə qazanıb.

La Liqanın ikinci turunda “Atletiko” avqustun 23-də doğma meydanda “Vilyarreal”ı qəbul edəcək. “Malaqa” isə bir gün sonra evdə “Deportivo” ilə qarşılaşacaq.