“Bu, ondan gözlədiyimiz səviyyə deyil” - Simeonedən Alvaresə sərt tənqid

Madrid “Atletiko”sunun baş məşqçisi Dieqo Simeone hücumçu Xulian Alvaresin çıxışını tənqid edib.

90deqiqe.Az-ın məlumatına görə, "DAZN" çalışdırıcının dediklərini belə çatdırıb.

 “Alvares ən yaxşı oyunlarından birini keçirmədi. Bu, ondan gözlədiyimiz oyun səviyyəsi deyil. Bir şeyi dəqiq deyə bilərik: kuboklar qazanmaq üçün bizə hücumçu lazımdır”

Qeyd edək ki, argentinalı futbolçu La Liqanın “Vilyarreal”la matçında 66-cı dəqiqədə meydana çıxıb. Lakin Alvares qarşılaşmanın qalan bölümündə ciddi təsir göstərə bilməyib. Görüş 2:2 hesablı heç-heçə ilə başa çatıb.

Əlavə edək ki, “Atletiko” azarkeşləri “Barselona”ya keçmək istədiyinə görə Xulian Alvaresi fitə basıblar. Futbolçunun uğursuz çıxışı da onun Madrid klubunu tərk etmək niyyəti ilə əlaqələndirilir.