Joze Mourinyo “Real Madrid”in qələbəsini şərh etdi

“Real Madrid”in baş məşqçisi Joze Mourinyo La Liqanın III turunda “Malaqa” üzərində qazandıqları 4:0 hesablı qələbəni şərh edib.

 90deqiqe.Az-ın “Marca”ya istinadən məlumatına görə, mütəxəssis komandasının xüsusilə ikinci hissədə oyunu idarə etməyə üstünlük verdiyini bildirib.

“İkinci hissədə daha çox oyunu idarə etməyə və tempi aşağı salmağa fokuslandıq. “Malaqa” daha soyuqqanlı oynayır, topa nəzarət edirdi. Lakin hər dəfə sürəti artıranda daha bir, hətta iki qol vura biləcəyimizi düşünürdük.

Əsas məqsədimiz qapımızı toxunulmaz saxlamaq idi. Həmişə aqressiv şəkildə hücum etmək lazım deyil. Bəzən rəqib meydana çıxır və biz yaxşı müdafiə olunmalı oluruq.

Stadiona gələn insanların vaxtlarını yaxşı keçirmələri vacibdir. Amma onlar yüksək səviyyəli futbolun nə olduğunu başa düşürlərsə, ikinci hissədən də zövq almalıdırlar. Biz komandanın müdafiədə necə çalışdığını gördük. Vinisius topu itirir, sonra isə müdafiəyə qayıdır.

Futbol yalnız gözəl qollardan zövq almaq deyil. Eyni zamanda, evə birlik və həmrəylik hissi ilə qayıtmaqdır”, – deyə Mourinyo bildirib.