“Deportivo” “Valensiya”ya qalib gəldi

İspaniya La Liqasının III turunda “Deportivo” doğma meydanda “Valensiya”nı qəbul edib.

90deqiqe.Az-ın məlumatına görə, La-Korunya təmsilçisi rəqibini 3:1 hesabı ilə məğlub edərək üç xal qazanıb.

Qarşılaşmada hesab 13-cü dəqiqədə açılıb. “Valensiya”nın müdafiəçisi Sezar Tarreqa topu öz qapısına göndərərək meydan sahiblərini önə keçirib.

Dörd dəqiqə sonra “Deportivo” fərqi artırıb. Pyer-Emerik Obameyanq 17-ci dəqiqədə fərqlənib. Qolun ötürməsini Mario Soriano verib.

“Valensiya” 26-cı dəqiqədə hesab arasındakı fərqi azaldıb. Umar Sadiq dəqiq zərbə ilə qonaqların ilk qolunu vurub.

“Deportivo” ikinci hissədə yenidən üstünlüyünü iki topa çatdırıb. 59-cu dəqiqədə bu dəfə Müktar Diakabi topu öz qapısına göndərib və yekun hesab müəyyənləşib – 3:1.

Bu qələbədən sonra “Deportivo” üç turdan sonra 5 xal toplayıb. “Valensiya”nın isə aktivində cəmi 1 xal var.