“Osasuna” “Xetafe”ni məğlub etdi

İspaniya La Liqasının 2026/27 mövsümünün 3-cü turunda “Osasuna” doğma meydanda “Xetafe”ni qəbul edib.

90deqiqe.Az-ın məlumatına görə, Pamplona təmsilçisi minimal hesablı qələbə qazanaraq 3 xal əldə edib – 1:0.

Görüşün taleyini ilk hissənin sonlarında vurulan qol müəyyənləşdirib. “Osasuna”nın hücumçusu Ante Budimir 45-ci dəqiqədə penaltini dəqiq yerinə yetirərək komandasına qələbə qazandırıb.

İkinci hissədə “Xetafe” hesabı bərabərləşdirmək üçün hücumlara atılıb. Lakin meydan sahiblərinin müdafiədə inamlı oyunu qonaqlara imkan verməyib.

Bu qələbədən sonra “Osasuna” 3 turdan 7 xal toplayıb. “Xetafe”nin isə aktivində 3 xal var.