Mbappe Mourinyodan yalnız bir şey istəyir

Madrid “Real”ının hücumçusu Kilian Mbappe komandanın baş məşqçisi Joze Mourinyodan gözləntiləri barədə danışıb.

90deqiqe.Az-ın məlumatına görə, “Madrid Universal” fransalı futbolçunun dediklərini belə çatdırıb.

 “Mourinyodan nə gözləyirəm? Sadəcə məni meydana buraxmasını”, – deyə Mbappe gülümsəyərək bildirib.

Fransalı hücumçu əlavə edib: “Düşünürəm ki, qalan hər şeyə uyğunlaşacağam. Xüsusi gözləntilərim yoxdur. Onun sadəcə özü olması kifayətdir”.

Qeyd edək ki, portuqaliyalı mütəxəssis yay aylarının əvvəlində “kral klubu”na qayıdıb və 2029-cu ilə qədər müqavilə imzalayıb.

Kilian Mbappe cari mövsümdə keçirdiyi beş oyunda beş qol vurub.

“Real Madrid” şənbə günü La Liqa çərçivəsində doğma meydanda “Rayo Valyekano”nu qəbul edəcək.