Luis Fiqu “Qızıl top”un favoritini açıqlamaqda çətinlik çəkib

“Barselona” və Madrid “Real”ının sabiq yarımmüdafiəçisi, Portuqaliya millisinin keçmiş futbolçusu Luis Fiqu “Qızıl top” uğrunda mübarizədə favoritini müəyyənləşdirməyin çətin olduğunu bildirib.

90deqiqe.Az-ın məlumatına görə, portuqaliyalı əfsanə mükafata namizəd olan futbolçuların adlarını çəkib və öz variantlarını da təqdim edib.

“Çempionlar Liqasını qazanan PSJ-nin futbolçusunu da siyahıya daxil edərdim. Məsələn, Dembele də favoritlər sırasında ola bilər. Həmçinin fantastik mövsüm keçirən Olise və Keyni də unutmaq olmaz”, - deyə Fiqunun sözlərini “La Razon” nəşri yayıb.

Fiqunun fikrincə, Lamin Yamal, Rodri, Kilian Mbappe və Lionel Messi mükafatın ən aşkar favoritləridir.

Qeyd edək ki, “Qızıl top”un qalibi oktyabrın 26-da Londonda keçiriləcək təntənəli mərasimdə açıqlanacaq.