Karvahal “Xetafe”yə keçidinin səbəbini açıqladı

“Xetafe”nin müdafiəçisi Dani Karvahal İspaniya klubuna keçmək qərarının səbəbini açıqlayıb.

90deqiqe.Az-ın məlumatına görə, 34 yaşlı futbolçu “Real”la müqaviləsi başa çatdıqdan sonra karyerasında dəyişiklik etmək və yeni ölkədə oynamaq istədiyini bildirib.

“Çempionlar Liqasında çıxış etmək imkanlarım da var idi. Lakin hazırda, 34 yaşımda mənim üçün əsas prioritet həyat yoldaşım və uşaqlarımdır. Bu, maliyyə baxımından həyatımın ən böyük müqaviləsi deyil. Razılığa gəlmək mənim üçün çox asan oldu. “Xetafe” burada olmağım üçün bütün şərtləri təmin etdi”, – deyə Karvahalın sözlərini DAZN yayıb.

Qeyd edək ki, Karvahal 2013-2026-cı illərdə “Real”ın formasını geyinib. Müdafiəçi 2025/2026 mövsümünün sonunda Madrid klubundan ayrılıb.

La Liqada səkkiz turdan sonra 8 xal toplayan “Xetafe” turnir cədvəlinin 14-cü pilləsində qərarlaşıb. Komanda növbəti matçını oktyabrın 19-da “Rayo Valyekano”ya qarşı keçirəcək.