“Barselona” “Betis” səddini 5 qolla keçdi

İspaniya La Liqasının 9-cu turunda “Barselona” səfərdə “Betis”ə 5:2 hesabı ilə qalib gəlib.

90deqiqe.Az-ın məlumatına görə, Sevilyadakı “Olimpiko de Sevilya – La Kartuxa” stadionunda keçirilən görüşü De Burqos Benqoeçea idarə edib.

Matçın 10-cu dəqiqəsində Lamin Yamal hesabı açıb. 27-ci dəqiqədə Valentin Qomes tarazlığı bərpa edib. Rodri 41-ci dəqiqədə kataloniyalıları yenidən önə keçirib.

İkinci hissənin 51-ci dəqiqəsində Qabriel Jezus “Barselona”nın üçüncü qolunu vurub. Üç dəqiqə sonra Əbdə Əzzalzuli fərqi azaltsa da, 54-cü dəqiqədə “Betis”in yarımmüdafiəçisi Fakundo Bernal qırmızı vərəqə alaraq meydandan qovulub.

62-ci dəqiqədə Erik Qarsiya hesab arasındakı fərqi yenidən artırıb. Dani Olmo isə 81-ci dəqiqədə “Barselona”nın beşinci qolunu vuraraq yekun hesabı müəyyənləşdirib – 5:2.

Bu qələbədən sonra 27 xala malik “Barselona” turnir cədvəlinə başçılıq edir. “Betis” isə 19 xalla üçüncü pillədə qərarlaşıb.

Qeyd edək ki, növbəti turda, oktyabrın 25-də “Betis” səfərdə “Selta” ilə qarşılaşacaq. “Barselona” isə həmin gün Madrid “Real”ını qəbul edəcək.