Valverde Messi və Suaresi göndərmək istəmir

Barselona'nın baş məşqçisi Ernesto Valverde komandanın əsas hücumçuları Lionel Messi və Luis Suaresin milliyə getməsini istəmir. 

Corner.az-ın xarici mətbuata istinadən məlumatına görə, təcrübəli mütəxəssis bu istəyini futbolçuların özlərinə də bildirib.

O, Kataloniya klubunun dekabra qədərki gərgin qrafiki səbəbindən onların millilərinin heyətinə getməməsini və istirahət etməsini istəyir. Valverde bu futbolçuların həmin dönəmdə aralığında tam sağlam və fiziki cəhətdən hazır olmasına çalışır.

Qeyd edək ki, Argentina yığması noyabrda Braziliya (15 noyabr) və Paraqvayla (18 noyabr), Uruqvay millisi isə Macarıstanla (15 noyabr) yoldaşlıq görüşü keçirəcək. Messiyə verilən cəza müddəti noyabrın 3-də başa çatacaq.