“Barselona” Jerar Martinlə müqaviləni uzatmaq istəyir

İspaniyanın “Barselona” klubu müdafiəçisi Jerar Martinlə əməkdaşlığı davam etdirmək qərarına gəlib.

90deqiqe.Az-ın məlumatına görə, Kataloniya təmsilçisi 24 yaşlı futbolçu ilə müqaviləni uzatmağı planlaşdırır. Yaxın vaxtlarda tərəflər arasında danışıqlara başlanılacaq.

Komandanın baş məşqçisi Hans-Diter Flik mərkəz müdafiəçisi Jerar Martinin oyun səviyyəsini yüksək qiymətləndirir.

Futbolçunun “Barselona” ilə hazırkı müqaviləsinin müddəti 2028-ci il iyunun sonunda başa çatır. Onun bazar dəyəri 40 milyon avro təşkil edir.

Jerar Martin cari mövsümdə İspaniya La Liqasında səkkiz oyunda meydana çıxıb və bir sarı vərəqə alıb.