- İspaniya L.L.
- 20:23 24.10.2026
İspaniya çempionatının X turunda “Rasinq” doğma meydanda “Espanyol”u 2:1 hesabı ilə məğlub edib.
90deqiqe.Az xəbər verir ki, qarşılaşmanın ilk hissəsində komandalar fərqlənə bilməyiblər.
İkinci hissədə isə hesab açılıb. 62-ci dəqiqədə Edu Espozito “Espanyol”u hesabda önə çıxarıb. Lakin meydan sahibləri cəmi yeddi dəqiqə sonra cavab qolunu vurublar. Januel Belosyan 69-cu dəqiqədə tarazlığı bərpa edib.
Matçın taleyi 84-cü dəqiqədə həll olunub. Yassir Zabiri rəqib qapısına yol taparaq “Rasinq”ə 2:1 hesablı qələbə qazandırıb.
