“Atletiko” “Levante”ni məğlub edərək La Liqada liderliyə yüksəlib

İspaniya La Liqasının 11-ci turunda Madrid “Atletiko”su səfərdə “Levante”ni 2:0 hesabı ilə məğlub edib.

90deqiqe.Az xəbər verir ki, Valensiyadakı “Syudad de Valensiya” stadionunda keçirilən qarşılaşmanı De Burqos Benqoetçea idarə edib.

Matçda hesabı 36-cı dəqiqədə “Atletiko”nun müdafiəçisi Alexandro Qrimaldo açıb. 62-ci dəqiqədə hücumçu Culiano Simeone fərqi artıraraq oyunun yekun nəticəsini müəyyənləşdirib – 2:0.

Bu qələbədən sonra Madrid təmsilçisi 11 oyundan topladığı 28 xalla turnir cədvəlinə başçılıq edir. “Levante” isə 10 xalla 16-cı pillədə qərarlaşıb.

Qeyd edək ki, növbəti turda “Levante” noyabrın 8-də səfərdə “Selta” ilə qarşılaşacaq. “Atletiko” isə həmin gün doğma meydanda “Barselona”nı qəbul edəcək.