“Barselona” Rafinyanın müqaviləsini 2030-cu ilədək uzadır

“Barselona” Rafinya Diasla müqaviləni 2030-cu il iyunun 30-dək uzadacağını rəsmiləşdirib.

90deqiqe.Az xəbər verir ki, braziliyalı hücumçu ilə yeni müqavilənin imzalanma mərasimi noyabrın 5-i klub prezidenti Joan Laportanın kabinetində keçiriləcək.

Bu barədə Kataloniya klubunun rəsmi saytı məlumat yayıb. Mərasimdən sonra futbolçu media nümayəndələrinin suallarını cavablandıracaq.

Qeyd edək ki, Rafinya 2022-ci ilin yayından “Barselona”da çıxış edir. Onun hazırkı müqaviləsi 2028-ci ilin yayına qədər nəzərdə tutulub.

Braziliyalı futbolçu cari mövsümdə İspaniya çempionatında 10 oyunda iştirak edib, 15 qol vurub və komanda yoldaşlarına üç məhsuldar ötürmə verib.