“Real” “Valensiya”nı darmadağın edərək liderliyə yüksəldi

İspaniya La Liqasının 12-ci turunda “Real” səfərdə “Valensiya”nı 3:0 hesabı ilə məğlub edib.

90deqiqe.Az-ın məlumatına görə, “Estadio Mestalla”da keçirilən görüşdə hesabı 28-ci dəqiqədə Madrid klubunun yarımmüdafiəçisi Federiko Valverde açıb. Arda Gülər 36-cı dəqiqədə fərqi iki topa çatdırıb. Kilian Mbappe isə 75-ci dəqiqədə “Real”ın üçüncü qolunu vurub.

“Valensiya”nın müdafiəçisi Xose Luis Qaya 79-cu dəqiqədə qırmızı vərəqə alaraq meydandan qovulub.

Bu qələbədən sonra “Real” xallarının sayını 30-a çatdıraraq turnir cədvəlinin liderliyinə yüksəlib. “Valensiya” isə 9 xalla 19-cu pillədə qərarlaşıb.

Növbəti turda “Valensiya” noyabrın 21-də səfərdə “Rayo Valyekano” ilə qarşılaşacaq. “Real” isə həmin gün doğma meydanda “Selta”nı qəbul edəcək.