Raul Qonsales karyerasında ilk dəfə əsas komandaya rəhbərlik edəcək

Madrid “Real”ının sabiq futbolçusu və gənclər komandasının keçmiş baş məşqçisi Raul Qonsales İspaniyanın “Real Ovyedo” klubunun yeni çalışdırıcısı olub.

90deqiqe.Az-ın məlumatına görə, bu barədə klubun mətbuat xidməti məlumat yayıb.

49 yaşlı mütəxəssis 2028-ci ilə qədər müqavilə imzalayıb. Qeyd edək ki, bu, əfsanəvi hücumçunun böyüklər səviyyəsində ilk məşqçilik təcrübəsi olacaq.

“Real Oviedo” İspaniya çempionatının ikinci divizionunda 21 xalla doqquzuncu pillədə qərarlaşıb. Komanda pley-off zonasından cəmi bir xal geri qalır.

Noyabrın 14-də “Real Oviedo” doğma meydanda “Jirona”nı qəbul edəcək. Qarşılaşma Bakı vaxtı ilə saat 00:00-da başlayacaq.