- İspaniya L.L.
- 22:05 14.05.2026
Atletiko'nun zədəli futbolçusu Dieqo Kosta tibbi müayinədən keçib.
Corner.az-ın klubun saytına istinadən xəbərinə görə, 31 yaşlı hücumçuda fəqərəarası disk yırtığı aşkarlanıb. Onun yaxın günlərdə əlavə müayinələrdən keçəcəyi bildirilib. Bundan sonra Kostanın əməliyyat olunub-olunmayacağına qərar veriləcək.
İspaniya mətbuatı yazıb ki, təcrübəli futbolçu əməliyyat olunacağı təqdirdə, təxminən aprel ayına qədər yaşıl meydanlardan uzaq qalacaq.
Qeyd edək ki, D.Kosta bu mövsüm 13 matçda 2 qol vurub.
